謝謝對不起 by 悦與歌

兩季《全民造星》到MIRROR、ERROR嘅成立，令香港樂壇近兩年出現咗一股新風潮，或者係好多年都無出現過嘅「追星」、「偶像」風氣。呢班新晉偶像唔少係「90後」，佢哋憑一股青春嘅熱血，闖出一條新路，即使唔係個個人都喜歡，但唔能夠否認嘅，係佢地將好多原本無留意本地音樂嘅人，拉返入呢個圈子。呢個亦係點解Jer以新人姿態拎到903冠軍歌但被某些網民質疑「邊個嚟」嘅時候，網上會出現一片不滿嘅怒火嘅原因。

第一季「造星」除咗產出MIRROR、ERROR兩大組合外，仲有獨立發展嘅細貓、環球唱片嘅Oscar等，而第二季雖然關注度不及第一季（原因為成個節目正發生在反送中運動嘅半年之中），但仍產出咗幾位偶像，當中最活躍嘅相信係亞軍MC 張天賦 - 以父之名 Tinfu Mc。

MC雖然喺《造星II》完結之後並無如第一季嘅師兄咁簽約電視台，但佢喺佢自己YouTube Channel出好多Cover，最近就有呢首原唱許靖韻嘅新歌《謝謝對不起》。坦白講唔係聽過完唱嘅話，你真係會以為呢首歌係屬於MC自己嘅，點樣將自己嘅個性透過聲線融入首歌之中，呢首歌可以話係一個好好嘅教材。

之前「埋班作樂」佢都有份feat. Ms Chan Chan嘅《標本》，大家不妨多啲留意下佢嘅動態？

《謝謝對不起》

曲：徐浩

詞：張楚翹

原唱：許靖韻