著地 by 悦與歌

最近ViuTV原創劇《男排女將》開播，一眾鏡粉應該好忙，因為有好幾位 MIRROR 成員主演，而一向好中意青春熱血劇嘅我自然都有追，劇情係有少少老土架啦，但對我嚟講呢種劇嘅賣點唔係劇情點樣估唔到，而係唔同角色點樣喺個故事入面成長，從中帶出嗰種青春而引起嘅感動同共鳴。而由MIRROR去參與演出亦好代表性，因為MIRROR誕生以致出道嘅過程就好似青春劇咁熱血。

主題曲方面，歌名《著地》，由劇中女主角鄧麗欣主唱，亦係佢繼今年為電影《金都》唱同名主題曲《金都》之後另一首OST。