窮小子 by 悦與歌

今年 MIRROR 有三位成員出單曲，成為今年樂壇新人，當中Anson Lo同Jer最近就喺ViuTV熱播劇集《男排女將》頻頻現身，而另一位Anson Kong最近就同另一間公司嘅歌手洪嘉豪一齊crossover合唱雙方今年嘅主打歌《蝸牛》同《窮小子》。

可能因為《蝸牛》已經有同Ian陳卓賢嘅BL合唱版（誤），所以我覺得效果一般，反而佢哋合唱嘅《窮小子》幾有驚喜。其實AK把聲其實好易同人夾，係一把喺合唱歌或者團歌入面好容易blend in嘅聲音，而Kaho亦受惠於AK把聲襯托，無出現到獨唱版聽到嘅小小吃力感，整體而言聽得幾舒服。

其實兩位都係我今年幾喜歡嘅歌手，亦預告下如無意外，「年度推介」都會出現佢哋嘅名。